بی آرایس کے مستعفی رکن اسمبلی ہنمنت راو کی 27ستمبر کو کانگریس میں شمولیت

حیدرآباد: تلنگانہ کی حکمران جماعت بی آرایس کے مستعفی رکن اسمبلی ایم ہنمنت راؤ نے اعلان کیا ہے کہ وہ 27ستمبر کو دہلی میں کانگریس پارٹی میں شامل ہو ں گے۔

انہوں نے یہ بیان پیر کو ان کی رہائش گاہ پر کانگریس لیڈروں سابق ڈپٹی چیف منسٹر دامودرراج نرسمہااور سابق ایم پی انجن کمار یادو سے ملاقات کے بعد دیا۔

انہوں نے 23 ستمبر کو راؤ نے بی آر ایس پارٹی سے استعفیٰ دے دیاتھااور کہا تھا کہ بی آر ایس میں جمہوریت نہیں ہے۔

انہوں نے میڈیا سے بات کرتے ہوئے کہا کہ حلقہ میں کئے گئے سروے کی بنیاد پر انہیں لگتا ہے کہ انہیں اور ان کے بیٹے کو بھی موقع دیا جائے گا۔

انہوں نے کہا کہ عہدے ان کے لیے اہم نہیں اور وہ کارکنوں کے لیے جان دینے سے بھی پیچھے نہیں ہٹیں گے۔انہوں نے کہا کہ وہ میڑچل ملکاجگری اور میدک حلقوں سے ٹکٹ کیلئے پُرامید ہیں۔