الیکشن کمیشن، آئندہ اسمبلی انتخابات کا اعلان کر سکتا ہے

نئی دہلی: امکان ہے کہ الیکشن کمیشن جمعہ کو آئندہ اسمبلی انتخابات کی تاریخوں کا اعلان کرے۔ ہماچل پردیش، گجرات کے ساتھ ساتھ جموں و کشمیر میں بھی اسمبلی انتخابات ہونے ہیں۔ جموں و کشمیر میں حد بندی حال ہی میں مکمل ہوئی ہے۔

الیکشن کمیشن نے یہ نہیں بتایا کہ آج کن انتخابات کا اعلان ہونے کا امکان ہے۔ حالیہ دنوں میں الیکشن کمیشن کی ٹیموں نے انتخابی تیاریوں کا جائزہ لینے کے لیے ہماچل پردیش اور گجرات کا بھی دورہ کیا ہے۔

گجرات اور ہماچل پردیش دونوں میں اس وقت بھارتیہ جنتا پارٹی کی حکومت ہے، جہاں کانگریس اہم اپوزیشن ہے۔ سہ رخی مقابلہ بناتے ہوئے عام آدمی پارٹی (اے اے پی) نے بھی دونوں ریاستوں میں داخل ہونے اور الیکشن لڑنے کا اعلان کیا ہے۔ اس وقت دہلی اور پنجاب میں عام آدمی پارٹی کی حکومت ہے۔