حیدرآباد
بی آر ایس، شمالی ہند کیلئے اُبھرتا سورج: دیاکرراؤ
دیاکرراؤ نے تلگو عوام سے خواہش کی کہ وہ بی آر ایس پارٹی کے 18جنوری کو کھمم ضلع میں ہونے والے پہلے جلسہ کو کامیاب بناتے ہوئے ملک میں ایک نیا انقلاب برپا کرنے کے اقدامات کریں۔
حیدرآباد: سنکرانتی تہوار کے موقع پر تلنگانہ کے وزیر پنچایت راج و دیہی ترقی دیاکرراو نے ریاست اور ملک کے عوام کو مبارکباد پیش کی ہے۔ انہوں نے اپنے بیان میں کہا کہ بی آر ایس پارٹی جنوبی ہند میں ترقی کی ہم معنی بن گئی ہے اور شمالی ہند میں ابھرتا سورج بن چکی ہے جو ملک میں کسانوں کی حکومت لائے گی۔
انہوں نے تلگو عوام سے خواہش کی کہ وہ بی آر ایس پارٹی کے 18جنوری کو کھمم ضلع میں ہونے والے پہلے جلسہ کو کامیاب بناتے ہوئے ملک میں ایک نیا انقلاب برپا کرنے کے اقدامات کریں۔
اس جلسہ کا مقصد ہندوستانیوں کی فلاح و بہبود ہے۔انہوں نے زور دیتے ہوئے کہا کہ تلگو عوام کو ہندوستان کی شکل بدلنے کے عزم کے ساتھ بی آر ایس کے ابھرنے پر فخر کرنا چاہئے۔
ہمیں فالو کریں
