واٹس ایپ پر تین طلاق‘ شوہر سمیت 6کے خلاف مقدمہ

بستی: اترپردیش کے ضلع بستی میں جمعرات کو منڈیروا تھانے میں واٹس ایپ سے تین طلاق دینے کے معاملہ میں متاثرہ فریق کے ذریعہ شوہر سمیت  6افراد کے خلاف مقدمہ درج کرایا گیا ہے۔

جمعرات کو پولیس ذرائع نے یہاں یہ جانکاری دیتے ہوئے بتایا ہے کہ منڈیروا تھانہ علاقہ کے مراد پور گرام کے ساکن ذاکر حسین نے تحریر ی شکایت کی  ہے کہ ان کی بیٹی کی شادی شفیع اللہ گرام اسوجی بازار تھانہ سکری گنج ضلع گورکھپور کے یہاں ہوئی تھی۔

ان کی بیٹی کو شوہر شفیع اللہ‘ سسر وصی اللہ‘ ساس نورجہاں‘ شاہین‘ ناجیہ‘ حسین نند کے ذریعہ بار بار جہیز کے لئے ہراساں کیا جارہا تھا اور گالی دے کر مارا پیٹا جارہا تھا اور اسی ضمن میں اس کے موبائل پر شوہر نے واٹس ایپ کے ذریعہ میسج لکھ کر تین طلاق دے دیا ہے۔پولیس نے شکایت  کی بنیاد پر شوہر سمیت  6  افراد کے خلاف مختلف دفعات کے تحت مقدمہ درج کرلیا ہے۔