عام آدمی کے فضائی سفر کیلئے مرکز نئی پالیسیوں کو متعارف کرے گی:گورنر ہریانہ

حیدرآباد: ہریانہ کے گورنر بنڈارودتاتریہ نے کہا ہے کہ مرکزی حکومت نئی پالیسیوں کو متعارف کرے گی جس کے ذریعہ عام آدمی بھی فضائی سفر کرسکے گا۔

انہوں نے کہاکہ مرکزی اور ریاستی حکومتوں کو بطورخاص تلنگانہ کے ورنگل، کوتہ گوڑم اور عادل آبادمیں ایرپورٹس کیلئے بنیادی ڈھانچے کی سہولیات فراہم کرنے میں پہل کرنی چاہیے۔

دتاتریہ نے حیدرآباد شہر میں ونگس انڈیا شو کے اختتام کے موقع پر کہا کہ ایئر شو کا انعقاد عوام میں ہوا بازی کے بارے میں بیداری پیدا کرنے کے لیے کیا گیا تھا۔