ناراض قائدین کوکے چندر شیکھرراؤ کی وارننگ

حیدرآباد: پارٹی کے ناراض قائدین کو سخت انتباہ دیتے ہوئے بی آرایس کے صدر وچیف منسٹر کے چندرشیکھرراؤنے پیر کے روز کہاکہ پارٹی اصولوں کے خلاف جانے والے اور ڈسپلین شکن قائدین کوبی آرایس سے باہر کا راستہ دکھایاجائے گا۔

مجوزہ اسمبلی الیکشن کے سلسلہ میں پارٹی امیدواروں کی فہرست کی اجرائی کے بعد میڈیا سے بات چیت کرتے ہوئے کے سی آرنے کہاکہ یہ واضح کردیا کہ بی آر ایس‘مخالف پارٹی سرگرمیوں کوبرداشت نہیں کرے گی۔

 پارٹی پسند پرچند قائدین کی ناخوشی کے بارے میں پوچھے گئے ایک سوال کے جواب میں انہوں نے کہاکہ جوکوئی بھی پارٹی کے خلاف جائے گا اسے پارٹی سے خارج کردیاجائے گا۔

تاہم چیف منسٹرنے اس عزم کا اظہارکیاکہ جہاں کوئی اختلاف پیدا ہوگا‘اسے حل کرنے کی پارٹی مکمل اہلیت رکھتی ہے۔ انہوں نے کہاکہ ناراضگیوں سے ہمیں بڑے مسائل کا سامنا کرنانہیں پڑے گا۔