ٹینک بنڈ پر غدر کا مجسمہ نصب کرنے چیف منسٹر رضامند

حیدر آباد: چیف منسٹر اے ریونت ریڈی نے تلگو انقلابی گلوکار غدر کے مجسمہ کو ٹینک بنڈ پر نصب کرنے پر رضامندی دے دی ہے۔ ریونت ریڈی نے اسمبلی انتخابات کے دوران وعدہ کیا تھا کہ اقتدار میں آنے کے فوری بعد عوامی جہد کار غدر کے مجسمہ کو ٹینک بنڈ پر نصب کیا جائے گا۔

 حیدر آباد میٹرو ڈیولپمنٹ اتھاریٹی کی جانب سے بلدیہ تلاپور کی قرار داد کو غدر کے مجسمہ کی ٹینک بنڈ پر تنصیب عمل میں لائی جانی چاہیے، کو منظور کرلیا گیا جس کے بعد حکومت نے غدر کے مجسمہ کی تنصیب کے لئے جگہ مختص کرتے ہوئے جی او جاری کردیا گیا۔

 یہاں اِس بعد کا تذکرہ ضروری ہے کہ اسمبلی انتخابات سے قبل غدر نے کانگریس پارٹی کی تائید کا اعلان کیا تھا اور انتخابات سے قبل ہی اُن کا دیہانت ہوگیا تھا۔ انتخابی مہم کے دوران ریونت ریڈی نے وعدہ کیا تھا کہ غدر کا مجسمہ نصب کیا جائے گا۔