حیدرآباد
پرکاش سنگھ بادل کو چیف منسٹر کے سی آر کا خراج
کے سی آر نے پنجاب کی ترقی میں پرکاش سنگھ بادل کی خدمات کو یاد کیا اور کہا کہ وہ، سرپنچ کے عہدہ سے ترقی کرتے ہوئے مرکزی وزیر اور ریاست کے چیف منسٹر بن گئے تھے۔
حیدرآباد: تلنگانہ کے چیف منسٹر کے چندر شیکھر راؤ نے پنجاب کے سابق چیف منسٹر پرکاش سنگھ بادل کے دیہانت پر تعزیت کا اظہار کیا۔ اپنے ایک بیان میں جو منگل کی رات جاری کیا گیا، کے چندر شیکھر راؤ نے شرومنی اکالی دل کے سرپرست کے انتقال پر گہرے دکھ کااظہار کیا اور آنجہانی قائد کے افراد خاندان سے دلی ہمدردی کا اظہار کیا۔
انہوں نے پنجاب کی ترقی میں پرکاش سنگھ بادل کی خدمات کو یاد کیا اور کہا کہ وہ، سرپنچ کے عہدہ سے ترقی کرتے ہوئے مرکزی وزیر اور ریاست کے چیف منسٹر بن گئے تھے۔ سابق میں پانچ مرتبہ پنجاب کے چیف منسٹر رہ چکے بادل، منگل کے روز 95 سال کی عمر میں چل بسے۔
a3w
ہمیں فالو کریں
