چیف منسٹر سدارامیا کی اہلیہ پاروتی دواخانہ میں شریک

بنگلورو: چیف منسٹر سدارامیا کی اہلیہ پاروتی کو دواخانہ میں شریک کرایا گیا او ران کی حالت مستحکم ہے۔ خانگی دواخانہ جہاں انہیں شریک کرایا گیا، نے اپنے بلیٹن میں یہ بات کہی۔

منی پال ہاسپٹلس کے مطابق انہیں منگل کی رات شریک کرایا گیا۔چیف منسٹر کے قریبی ذرائع کے مطابق 75سالہ سدارامیا کی اہلیہ پاروتی کو بخار اور تنفس کے مسائل تھے۔

دواخانہ کے بلیٹن میں کہا گیا کہ معزز چیف منسٹر کی اہلیہ پاروتی سدارامیا کو کل رات شریک کرایا گیا۔ وہ مستحکم اور آکسیجن پر ہیں۔ فی الحال وہ ایم آئی سی یو میں ہیں۔ آج انہیں وارڈ میں منتقل کیا جائے گا۔ چیف منسٹر11بجے صبح آسکتے ہیں۔

“ بیماری کے تعلق سے انکشاف نہ کرتے ہوئے دواخانہ نے کہا کہ چیف منسٹر کے خاندان نے دواخانہ سے ان کی پرائیوسی کا احترام کرنے کی درخواست کی۔ اگلا بلیٹن رضامندی کے بعد ہی جاری کیاجائے گا۔“