مسجد میں دو گروپوں میں تصادم، ویڈیو وائرل

لکھنؤ: اترپردیش کے مرادآباد کی ایک مسجد میں لڑائی کا ویڈیو سوشل میڈیا پر تیزی سے وائرل ہو رہا ہے۔ یہ معاملہ مراد آباد کے پاکبادہ تھانہ علاقے کے عمری سبزی پور گاؤں کی بڑی مسجد سے متعلق ہے۔

ویڈیو میں نماز پڑھنے کے لیے آنے والے دو گروپوں کے درمیان لاتیں، مکے اور بیلٹ چلتے نظر آ رہے ہیں۔ مسجد میں افراتفری کا ماحول دکھائی دے رہا ہے، لوگ جو کچھ ملا ہے اس سے ایک دوسرے پر حملے کر رہے ہیں۔

ویڈیو میں کچھ لوگ لاٹھیوں سے مارتے بھی نظر آ رہے ہیں۔ مرادآباد کے پاکبادہ تھانہ علاقے کے عمری سبزی پور گاؤں کی بڑی مسجد میں لوگ نماز پڑھنے آئے تھے۔ اس دوران نمازیوں میں کسی بات پر جھگڑا ہوا۔

اس کے بعد ایک ہی برادری کے دو فریقوں کے لوگوں نے ایک دوسرے پر حملہ کیا اور زبردست لڑائی ہوئی۔ کچھ ہی دیر میں ان لوگوں نے مسجد کو اکھاڑے میں تبدیل کر دیا اور لاتوں، بیلٹوں اور لاٹھیوں سے انہیں مارنا شروع کر دیا۔

لاٹھیوں اور بیلٹوں مارپیٹ:

ویڈیو جمعہ کی بتائی جا رہی ہے۔ نماز جمعہ کی ادائیگی کے لیے آنے والے نمازیوں کے درمیان ہونے والی لڑائی کی وجہ ابھی تک واضح نہیں ہوسکی ہے۔ آپ کو بتاتے چلیں کہ لڑائی کے دوران کئی لوگوں کے کپڑے بھی پھٹ گئے تھے۔ تو کئی لوگ زخمی بھی ہوئے ہیں۔ اس سلسلے میں پولیس میں کیس بھی درج کیا گیا ہے۔ پولس معاملے کی تحقیقات کر رہی ہے۔

پولیس نے کیا کہا؟

مرادآباد پولیس کا کہنا ہے کہ مرادآباد کے پاکبادہ تھانہ علاقے کے تحت ایک مسجد میں ایک ہی برادری کے دو جماعتیں ہیں۔ اس سے پہلے فریقین میں لڑائی ہوئی، ہاتھا پائی بھی ہوئی۔ اس اطلاع کی بنیاد پر متاثرہ فریق کی جانب سے نو افراد کے خلاف مقدمہ درج کیا گیا ہے۔

پولیس سپرنٹنڈنٹ، سٹی مرادآباد کا کہنا ہے کہ پاکبادہ پولیس اسٹیشن کے تحت مسجد میں ایک ہی برادری کے دو فریقوں کے درمیان لڑائی کے سلسلے میں پاکبادہ پولیس اسٹیشن میں مقدمہ درج کرلیا گیا ہے، دیگر قانونی کارروائیاں جاری ہیں