آندھرا میں اسکول بس الٹنے سے دوسری جماعت کی طالبہ کی موت

کڈپہ: آندھرا پردیش میں انامایا ضلع کے اوبولاواری پلی گاؤں میں پیر کو اسکول بس الٹنے سے دوسری جماعت کی طالبہ کی موت ہوگئی۔

پولیس نے بتایا کہ اسکول بس میں سوار 20 طلباء شری وانی پبلک اسکول جارہے تھے۔ بس ایک پل کے قریب الٹ گئی جس کے نتیجے میں آٹھ سالہ طالبہ بھویشیا کی موت ہو گئی۔ حادثے میں تین دیگر طلباء زخمی ہو گئے۔

اسکول بس الٹنے کے بعد بس ڈرائیور موقع سے فرار ہوگیا۔ پولیس کا کہنا ہے کہ بس اچھی حالت میں نہیں تھی۔

پولیس نے مقدمہ درج کر کے طالبہ کی لاش کو پوسٹ مارٹم کے لیے جی جی ایچ بھیج دیا ہے۔