وزیرکونڈاسریکھا کے خلاف کانگریس ایم ایل ایز کی دیپاداس منشی سے شکایت

حیدرآباد: ورنگل ضلع کے کانگریس ایم ایل ایز نے اے آئی سی سی انچارج جنرل سکریٹری دیپا داس منشی سے شکایت کی اور الزام لگایا کہ ریاستی وزیر کونڈا سریکھا کے حامی تمام حلقوں میں کانگریس قائدین اور کارکنوں کو پریشان کررہے ہیں۔ کانگریس قائدین نے کہا کہ وہ کونڈا سریکھا کے خلاف  ٹی پی سی سی کے سربراہ بی مہیش کمار گوڈ کے پاس بھی شکایت درج کرنے والے ہیں۔

واضح  رہے کہ کونڈا سریکھا حالیہ دنوں میں ایک کے بعد ایک پریشانی کا سامنا کر رہی ہیں۔ انہوں نے پہلے کے ٹی راما راؤ سامنتا اور ناگرجن کے خلاف غیر اخلاقی تبصرے کیے تھے اور بعد میں سامنتا کے خلاف اپنے تبصروں کو واپس لیتے ہوئے ناگرجنا  کے خاندان سے معافی بھی مانگی۔

تاہم، ناگارجنا نے کونڈا سریکھا کے خلاف فوجداری اور ہتک عزت کی کارروائی کی درخواست کرتے ہوئے عدالت سے رجوع کیا تھا۔ اب انکے ہی ضلع کے پارٹی قائدین کی جانب سے دیپ داس منشی سے انکے خلاف شکایات کرنے سے کونڈا سریکھا کی کم ہوتی مقبولیت کا اندازہ لگایا جا سکتا ہے۔