ویڈیو: ظہیر آباد میں قومی شاہراہ پر 8کاروں کے ساتھ کنٹینر جل گیا
کاروں کو منتقل کرنے والے ایک کنٹینر میں اتوار کے روز بھیانک آگ لگ گئی جس کے سبب کنٹینر اور اس پر لدی 8کاریں جل کر خاکسر ہوگئیں۔
حیدرآباد (این ایس ایس) کاروں کو منتقل کرنے والے ایک کنٹینر میں اتوار کے روز بھیانک آگ لگ گئی جس کے سبب کنٹینر اور اس پر لدی 8کاریں جل کر خاکسر ہوگئیں۔
یہ واقعہ آج ضلع سنگاریڈی میں پیش آیا۔ 8کاروں کو لے جانے والے اس کنٹینر میں حیدرآباد۔ ممبئی قومی شاہراہ پر ظہیرآباد بائی پاس کے قریب بھیانک آگ بھڑک اٹھی تاہم کنٹینر کے ڈرائیور اور کلینر اس واقعہ میں بچ گئے۔
اس کنٹینر کے ذریعہ ممبئی سے حیدرآباد کو ٹاٹا نیکسن کی 8 کاریں منتقل کی جارہی تھیں مگر حیدرآباد سے 150 کیلو میٹر دور رنجہول کے مقام پر اس کنٹینر میں آگ لگ گئی۔ فائر انجن فوری جائے وقوع پر پہونچ گئے۔
آتش فروعہ آگ پر قابو پانے میں ناکام رہا کیونکہ دھماکوں کے ساتھ آگ تیزی کے ساتھ پھیل گئی۔ کنٹینر سے سیاہ دھواں نکل رہا تھا اور اس سے نکلنے والے آگ کے شعلوں نے تیزی کے ساتھ ان 8کاروں کو بھی اپنی لپیٹ میں لے لیا جو کنٹینر کے اندر تھیں۔
اس واقعہ سے اس مصروف ترین شاہراہ پر ٹریفک جام ہوگئی۔ آگ لگنے کی وجوہات کا علم نہیں ہوسکا۔ پولیس نے کیس درج کرتے ہوئے تحقیقات کا آغاز کردیا ہے۔
