شہر کے ہاسپٹل میں نومولود کی موت، پولیس میں شکایت درج

حیدرآباد: فرنانڈیز ہاسپٹل میں ناک صاف کرنے کے دوران نومولود کی موت ہوگئی جبکہ2لاکھ روپئے لے کر نومولود کی لاش ماں باپ کے حوالے کی گئی۔

ضلع محبوب نگر، بالاجی نگر کے رہنے والے انجنلو گوڑ نے بتایا کہ فرنانڈیز ہاسپٹل میں 13جنوری کو انھیں بیٹا تولد ہوا تھا، نومولود کی طبیعت ٹھیک ٹھاک تھی۔

آج سانس ٹھیک سے نہ لینے کی نومولود کی ماں نے شکایت کی جس پر نرس نے کہا کہ نومولود کی ناک صاف کرنی پڑے گی۔

 نرس، نومولود کو لے گئی اور کچھ دیر بعد نومولود کی لاش ماں کے حوالے کردی گئی اور کہا گیا کہ گھر پہونچنے تک نومولود نارمل ہوجائے گا۔

انجنلو کا کہنا ہے کہ ہاسپٹل اسٹاف نے کیا کیا معلوم نہیں، نومولود کے فوت ہونے کے سلسلہ میں پولیس میں شکایت درج کروائی گئی ہے۔ مزید تحقیقات پولیس کررہی ہے۔ اہم بات یہ لاش حوالے کرنے سے پہلے 2 لاکھ کا بل حوالے کیا گیا تھا۔