منشیات معاملہ کو ختم کرنے رقم کا مطالبہ۔ ڈی جی پی تلنگانہ کے نام سے پاکستان سے واٹس اپ کال

حیدرآباد: منشیات کے معاملہ کو ختم کرنے کیلئے ڈی جی پی تلنگانہ کی تصویر کو ڈی پی پر لگاکر واٹس اپ کال کرتے ہوئے ایک تاجر کی بیٹی سے رقم طلب کی گئی۔

فون کرنے والوں نے رقم نہ دینے پر گرفتاری کا بھی انتباہ دیا۔

اس تاجر نے +92 کوڈ والی کال موصول ہونے کے بعد شبہ کی بنیاد پر پولیس سے اس خصوص میں شکایت کی جس پر سائبرپولیس نے پتہ چلایا کہ یہ فون کال دراصل پاکستان سے کیاگیا تھا۔

پولیس نے اس سلسلہ میں مقدمہ درج کر لیا۔ پولیس نے مشتبہ نمبروں سے کال کرنے اور رقم مانگنے یا لنکس شیئر کرنے کی خواہش پر بھی اس کی بھی شکایت پولیس سے کرنے کا مشورہ دیا۔

پولیس نے عوام سے چوکنا رہنے کی خواہش کی۔