حیدرآباد
جگن کے مکان لوٹس پانڈ سے متصل ڈھانچوں کا انہدام
گریٹر حیدرآباد میونسپل کارپوریشن (جی ایچ ایم سی) نے ہفتہ کے روز شہر میں آندھرا پردیش کے سابق چیف منسٹر جگن موہن ریڈی کے مکان ”لوٹس پانڈ“ سے متصل چند ڈھانچوں کو منہدم کردیا۔
![جگن کے مکان لوٹس پانڈ سے متصل ڈھانچوں کا انہدام](https://urdu.munsifdaily.com/wp-content/uploads/2024/06/Illegal-construction.jpg)
حیدرآباد: گریٹر حیدرآباد میونسپل کارپوریشن (جی ایچ ایم سی) نے ہفتہ کے روز شہر میں آندھرا پردیش کے سابق چیف منسٹر جگن موہن ریڈی کے مکان ”لوٹس پانڈ“ سے متصل چند ڈھانچوں کو منہدم کردیا۔
جی ایچ ایم سی کے ایک سینئر عہدیدار کے مطابق جگن کے مکان کے کمپاونڈ وال کے سامنے راستہ پر ٹائل کا کام کرنے کیلئے بنائے گئے ڈھانچوں کو منہدم کردیا گیا ان ڈھانچوں کو سیکوریٹی جوان استعمال کررہے تھے۔
غیر مجاز ڈھانچوں کو منہدم کرنے کیلئے ارتھ موورس کا استعمال کیا گیا۔بتایا جاتا ہے کہ عوام نے اس بات کی شکایت کی تھی کہ ڈھانچوں سے ٹریفک میں خلل ہورہا ہے۔
a3w