رشوت لیتے ہوئے نائب تحصیلدار گرفتار

ستنا: مدھیہ پردیش کے ضلع ستنا میں تعینات ایک نائب تحصیلدار کو ریوا لوک آیکت پولیس نے 10 ہزار روپے کی رشوت لیتے ہوئے رنگے ہاتھوں گرفتار کر لیا۔

جمعرات کی شام ریوا کی لوک آیکت پولیس نے رام پور بھگیلان تحصیل کے موہاری کٹرا میں تعینات نائب تحصیلدار بیریندر سنگھ کو بٹوارے کے معاملے میں 10 ہزار روپے کی رشوت لیتے ہوئے گرفتار کیا۔ ملزم نے شکایت کنندہ سے 20 ہزار روپے کی رشوت طلب کی تھی، جس کی پہلی قسط 10 ہزار روپے مقرر ہوئی تھی۔

لوک آیکت پولیس سپرنٹنڈنٹ نے بتایا کہ جب نائب تحصیلدار شکایت کنندہ آشوتوش سنگھ سے رشوت کی رقم وصول کر رہا تھا، اسی وقت اسے گرفتار کر لیا گیا۔