عوام کے سزا دینے کے باوجود بھی بی آر ایس کا رویہ تبدیل نہیں ہوا: ریونت ریڈی

حیدرآباد: چیف منسٹر تلنگانہ ریونت ریڈی نے کہا ہے کہ پچھلی حکومت میں کئی دیہاتوں کو پینے کا پانی فراہم نہیں کیا گیا تھا۔ اسمبلی میں بجٹ سیشن کے دوسرے دن خطاب کرتے ہوئے انہوں نے کہا کہ تانڈوں کو پنچایتوں میں تبدیل کرنے کے لیے سہولیات فراہم نہیں کی گئیں۔ کئی تانڈوں میں سڑکوں کی سہولت بھی نہیں ہے۔

انہوں نے کہا کہ وہ نظر انداز کئے گئے تانڈوں کو ترقی دیں گے۔ساتھ ہی تمام منڈلوں کو پینے کا پانی اور بجلی فراہم کی جائے گی۔ انہوں نے کہا کہ سرکاری تعلیم کو مزید مستحکم کیا جائے گا۔ تانڈوں میں بنیادی ڈھانچہ فراہم کیا جائے گا۔

انہوں نے کہا کہ تانڈوں کی ترقی ہو تو ہی حقیقی ترقی ہوتی ہے۔ پچھلی حکومت نے سات لاکھ گھروں کو پینے کا پانی فراہم نہیں کیا تھا۔ عوام کی جانب سے بی آرایس کو سزا دینے کے باوجود اس پارٹی کے رویہ میں تبدیلی نہیں آئی۔