دھنکڑ نے باپو کو خراج عقیدت پیش کیا

نئی دہلی: نائب صدر جمہوریہ جگدیپ دھنکڑ نے بابائے قوم مہاتما گاندھی کو جذباتی خراج عقیدت پیش کرتے ہوئے کہا کہ ان کی اقدار نہ صرف ہندوستانیوں کو بلکہ پوری عالمی برادری کو متاثر کرتی ہیں۔

نائب صدر کے سکریٹریٹ نے آج یہاں یہ اطلاع دیتے ہوئے بتایا کہ مسٹر دھنکڑ نے مہاتما گاندھی کو خراج عقیدت پیش کیا ہے۔

اس موقع پر مسٹر دھنکڑ نے کہا ’’مہاتما گاندھی کو ان کی برسی پر دلی خراج عقیدت۔‘‘ انہوں نے کہا کہ باپو کا سچائی اور عدم تشدد کا فلسفہ ہماری تہذیبی اقدار سے متاثر ہے۔ انہوں نے نہ صرف ہماری آزادی کی جدوجہد کو سمت دی بلکہ عالمی سطح پر انسانی وقار، خود ارادیت اور آزادی کی تحریکوں کو بھی تحریک دی۔ سودیشی اور گرام سوراج کے باپو کے نظریات دنیا کے عصری منظر نامے میں مطابقت رکھتے ہیں۔

نائب صدر جمہوریہ نے کہا کہ باپو کی تعلیمات اور اصول ہندوستان کو ترقی، خوشحالی اور ہم آہنگی کی طرف ترغیب دیتے رہیں گے۔