ہندو راشٹر کا تصور مہاتما گاندھی کے اُصولوں کے خلاف: نتیش کمار

پٹنہ: چیف منسٹر بہار نتیش کمار نے جمعہ کے دن ہندوستان کو ”ہندو“ ملک قراردینے کے سنگھ پریوار کے نظریہ پر تنقید کی۔ انہوں نے کہا کہ یہ مہاتما گاندھی کے اصولوں کے خلاف ہے۔

بزرگ سوشلسٹ رہنما جنہوں نے گزشتہ برس بی جے پی سے اپنا دیرینہ ناطہ توڑلیا تھا‘ صحافیوں کے سوال کا جواب دے رہے تھے۔

ان سے ”ہندو راشٹر“ کے نعرہ کے بارے میں پوچھا گیا تھا جس کی کھلے عام توثیق ان کے یوپی کے ہم منصب یوگی آدتیہ ناتھ نے جاریہ ہفتہ کی تھی۔

نتیش کمار نے کہا کہ ہمیں ایسی کوئی بات نہیں سننی چاہئے جو باپو کے اصولوں کے حلاف جاتی ہو۔ اس ملک میں تمام مذاہب کے ماننے والے مل جل کر رہتے ہیں۔

باپو‘ اتحاد کے حامی تھے اور اسی لئے ان کا قتل ہوا تھا۔ چیف منسٹر نے خبردار کیا کہ جو اس سے کچھ الگ کرنا چاہتا ہے وہ اُلٹاپلٹا کرنا چاہتا ہے۔