دھنکھڑ دہلی کے لال قلعہ میں تین روزہ وکرموتسو کا کریں گےافتتاح

نئی دہلی: سمراٹ وکرمادتیہ پر مبنی عظیم ڈرامے کا آج سے 14 اپریل تک نئی دہلی کے لال قلعہ کے مادھوداس پارک میں اسٹیج پر پیش کیا جائے گا جس کا مقصد ملک کو سمراٹ وکرمادتیہ سے واقف کرانا ہے۔

نائب صدر جگدیپ دھنکھڑ آج شام ثقافتی میلے ’وکرموتسو‘ کا افتتاح کریں گے۔ وزیر اعلیٰ ڈاکٹر موہن یادو، نئی دہلی کی وزیر اعلیٰ محترمہ ریکھا گپتا اور مرکزی وزیر سیاحت و ثقافت گجیندر سنگھ شیخاوت اس موقع پر موجود رہیں گے۔

عظیم ڈرامہ سمراٹ وکرمادتیہ کے ساتھ ساتھ لال قلعہ میں وکرمادتیہ اور ایودھیا، وکرمادتیہ کے دور کے آثار قدیمہ کے کرنسی ڈاک ٹکٹوں، عظیم ہندوستانی ثقافتی شان، مدھیہ پردیش میں سیاحت کے امکانات، سرمایہ کاری کو مقبول بنانے اور ریاست میں روزگار کے مواقع پیدا کرنے کی کوششوں پر بھی نمائشیں منعقد کی جارہی ہیں۔

اس کے علاوہ دہلی کے باشندے فوڈ کورٹ میں مدھیہ پردیش کے مقامی پکوان کا ذائقہ چکھ سکیں گے۔ یہ تین روزہ میلہ ہندوستانی تاریخ اور ثقافت کے اس عظیم ہیرو کی شراکت کو زندہ کرے گا۔

وزیر اعلیٰ ڈاکٹر یادو کی رہنمائی میں وشالہ کلچرل اینڈ پبلک ویلفیئر کمیٹی نے عظیم ڈرامہ کے تصور کو شرمندہ تعبیر کیا ہے۔ وکرمادتیہ کی پیدائش سے لے کر ام کے سمراٹ بننے تک کی تمام کہانیاں عظیم ڈرامے میں بیان کی گئی ہیں۔