جولائی میں بی آرایس کے 80 امیدواروں کی فہرست کی اجرائی کاامکان

حیدرآباد: صدربی آر ایس وہ چیف منسٹر کے چندر شیکھرراؤجولائی کے تیسرے ہفتہ میں ریاست کے 119 اسمبلی حلقوں میں سے تقریباً 80حلقوں کیلئے امیدواروں کا اعلان کریں گے۔

پارٹی کے اعلیٰ ذرائع نے بتایا کہ بی آر ایس قائد کو تازہ ترین سروے رپورٹ موصول ہوئی ہے، اور ان 80 اسمبلی حلقوں کیلئے ان کا انتخاب اسی رپورٹ پر مبنی ہوگا۔ تقریباً دو تہائی سیٹوں کیلئے امیدواروں کے ناموں کا اعلان کر کے، چیف منسٹر بہت سے مسائل کو حل کرکرنے کا منصوبہ بنے رکھتے ہیں۔

ان اراکین اسمبلی کو جنہوں نے سروے میں 40 سے 45 فیصدکو اطمینان بخش درجہ بندی حاصل کی ہے ان 80 امیدواروں کی فہرست میں جگہ ملنے کا امکان ہے، جب کہ کے سی آر کے رازدارانہ سروے میں 35 فیصد پاسنگ گریڈ حاصل کرنے میں ناکام رہنے والے موجودہ اراکین اسمبلی میں بے چینی پائی جا رہی ہے۔

پارٹی کے سینئر قائدین انتخابات کیلئے امیدواروں کے ناموں کا جلد از جلد اعلان کو باغی امیدواروں کی وجہ سے ہونے والے امکانی نقصان کو کم کرنے کے لیے ایک حکمت عملی کے طور پر دیکھ رہے ہیں۔ اس سے پارٹی قیادت کو کسی بھی اندرونی خلفشار کو حل کرنے کے لیے چار ماہ کا وقت ملے گا۔

توقع ہے کہ کچھ اراکین اسمبلی کے نام جو اس فہرست میں شامل نہیں ہیں وہ بغاوت کر کے پارٹی چھوڑ سکتے ہیں۔ ذرائع نے بتایا کہ اگر کچھ امیدوار پارٹی چھوڑنے کا انتخاب کرتے ہیں تو یہ پارٹی کیڈر کیلئے ایک اہم راحت ثابت ہوگا کیونکہ اس سے وہ آئندہ انتخابی مہم پر اطمینان کے ساتھ توجہ مرکوز کر سکیں گے۔

اس کے علاوہ 80 منتخب امیدوار اپنے متعلقہ اسمبلی حلقوں پر توجہ مرکوز کر سکتے ہیں، پارٹی کی فلاحی اسکیموں اور دیگر فوائد کو اجاگر کرتے ہوئے پارٹی کارکنوں اور عوام سے رابطہ قائم کرنے کے لیے نچلی سطح پر کام کر سکتے ہیں۔ بی آر ایس کے سینئرقائدین کے مطابق پارٹی سربراہ کی جانب سے باقی 39 نشستوں میں سے 10 سے 15 امیدواروں میں تبدیلیاں کرنے کا امکان ہے۔

یہ اعلان 80 امیدواروں کے ابتدائی اعلان کے ایک ماہ بعد ایک اور سروے کے بعد کیا جایگا۔ بقیہ امور کو دیگر جماعتوں کے ساتھ اتحاد یا کمیونسٹ پارٹیوں سمیت دوستانہ مقابلوں کے ذریعے حتمی شکل دی جائے گی۔ ایک سینئر لیڈر نے بتایا کہ امیدواروں کے ناموں کے جلد اعلان سے متعلق فیصلے سے پارٹی رہنماؤں اور کیڈر کو بہت راحت ملے گی جومسلسل تیسری میعاد کے لیے اقتدار حاصل کرنے کے لیے پرعزم ہیں۔

اس سینئر لیڈر نے مزید کہا کہ امیدواروں کے پاس اب عوام کیساتھ مشغول ہونے اور دوسرے درجے کے لیڈروں کے ساتھ کسی بھی مسئلے کو حل کرنے کیلئے کافی وقت ہوگا۔یہاں اس بات کا تذکرہ بھی ضروری ہے کہ جنوری اور مارچ میں کئے گئے پچھلے سروے کے نتائج کا حوالہ دیتے ہوئے جس میں کئی اراکین اسمبلی کو 35 اور 40 کے درمیان نشانات اور عوام کی ملی جلی رائے حاصل ہوئی تھی، بی آر ایس کے سینئر قیدڈن نے کہا کہ آتمیہ سمیلن کے بعد چیف منسٹر کی طرف سے کیا گیا تازہ سروے زیادہ سازگار ثابت ہوا۔

مانا جا رہا ہے کہ کے سی آر کا امیدواروں کا اعلان کرنے کا فیصلہ اس تازہ سروے کے نتائج پر مبنی ہے۔ بی آر ایس کے سینئر لیڈروں کے مطابق پارٹی کو توقع ہے کہ 10 اکتوبر کے بعد کسی بھی وقت اسمبلی انتخابات کا علامیہ جاری کیا جائے گا۔ اس کے علاوہ، ذرائع نے بتایا کہ کے سی آر کو یہ اطلاع ملی ہے کہ مرکزی حکومت لوک سبھا کے قبل از وقت انتخابات کرانے پر بھی غور کر رہی ہے۔

ان کا ماننا ہے کہ اگر واقعی قبل از وقت انتخابات ہوتے ہیں تو چیف منسٹر کی اس حکمت عملی کے مثبت نتائج برآمد ہوں گے۔ انہوں نے یہ بھی کہا کہ کے سی آر نے مبینہ طور پر لوک سبھا امیدواروں کی فہرست پربھی توجہ مرکوزکر رکھی ہے اور اس فہرست کا جلد سے جلد اعلان کیا جائے گا۔

دوسری طرف ریاست میں اقتدار حاصل کرنے کا خواب دیکھ رہی بی جے پی کے ریاستی صدر بنڈی سنجے نے کہا کہ اگر بی جے پی کو حکومت بنانے کا موقع ملتا ہے تو وہ بی آر یس کی جانب سے شروع کردہ تمام اسکیمات کو جاری وہ ساری رکھے گی۔بی جے پی کے ریاستی صدر بندی سنجے نے واضح کیا کہ بھگوا پارٹی کچھ بہتری کے ساتھ۔ بی آر ایس حکومت کے تمام موجودہ فلاحی اسکیموں کے ساتھ ساتھ دھرانی ریونیو پورٹل کو بھی جاری رکھے گی۔