حیدرآباد کے شاہ حاتم تالاب میں مچھروں کے خاتمہ کے لئے ڈرون سے دوا کا چھڑکاؤ

حیدرآباد: حیدرآباد کے شاہ حاتم تالاب میں مچھروں کے خاتمہ کے لئے ڈرون سے دوا کا چھڑکاؤکیاگیا۔مچھروں کی افزائش پر قابو پانے کے لئے جاری مہم کے تحت یہ کام انجام دیاگیا۔

اس سے قبل پانی میں اگنے والے آبی پود وں کو صاف کرنے ایک تیرتی مشین لگائی گئی تھی کیونکہ یہ پودے مچھروں کی افزائش کا ذریعہ سمجھے جاتے ہیں۔اس اقدام کا مقصد مچھروں کی افزائش کو مؤثر انداز میں روکنا ہے۔

پہلے مرحلہ میں پانی پر پھیلے ہوئے گھنے آبی پودوں کو ہٹایا گیااور اس کے بعد پانی پر دوا کو چھڑک کر لاروا کو ختم کرنے اور مچھروں کی مزید افزائش کو روکنے کی کوشش کی گئی۔

یہ کام بلدیہ کے انٹومولوجی شعبہ کے اشتراک سے انجام دیاگیا، تاکہ علاقہ میں مچھروں پر قابو پانے کے لئے بروقت اور مؤثر اقدامات کئے جا سکیں۔