کار اور بائیک پر جانے والوں پر حالت نشہ میں حملہ۔چار افراد گرفتار

حیدرآباد: حالت نشہ میں چارافراد نے کار اور ٹووہیلرپر جانے والوں کو سرعام سڑک پر نشانہ بناتے ہوئے ان پر حملہ کردیا۔تلنگانہ کے ضلع سدی پیٹ کے دوباک ٹاون میں یہ واقعہ پیش آیا۔

تفصیلات کے مطابق دوباک کی رنگماں مندر کے قریب ان افراد نے حالت نشہ میں ٹووہیلر اور کار کو روکتے ہوئے ان میں جانے والوں پر حملہ کرکے ان کو زخمی کردیا۔ساتھ ہی کار کو نقصان بھی پہنچایا۔

اس واقعہ میں کار میں سواروشنو اورمحمد رشید کے علاوہ دیگر زخمی ہوگئے۔اس بات کی شکایت پولیس سے کی گئی جس کے بعد پولیس نے حالت نشہ میں یہ واردات انجام دینے والے چار نوجوانوں کو حراست میں لے لیا۔

پولیس نے شبہ ظاہر کیاکہ پرانی مخاصمت کے نتیجہ میں ہی یہ حملہ کیاگیا۔پولیس نے اس سلسلہ میں ایک معاملہ درج کرکے جانچ شروع کردی۔اس حملہ کا ویڈیوسوشل میڈیا کے مختلف پلیٹ فارمس پر تیزی کے ساتھ وائرل ہوگیا۔