تلنگانہ کے جوگولامباگدوال ضلع میں کارالٹ گئی۔چارافرادہلاک

حیدرآباد: تلنگانہ کے جوگولامباگدوال ضلع کے ایروالی چوراہا کے قریب پیش آئے سڑک حادثہ میں چارافراد بشمول دو خواتین اور ایک لڑکا ہلاک اوردیگرتین شدید زخمی ہوگئے۔

یہ حادثہ جمعہ کی نصف شب کو ایراولی چوراہے کے پٹرول پمپ کے قریب اُس وقت پیش آیا جب کار چلانے والے نے اس کا توازن کھودیا اور یہ کار، لاری اورقریبی درخت سے ٹکرانے کے بعد الٹ گئی۔

پولیس کے مطابق کار میں سوار افراد آندھراپردیش کے ضلع نندیال کے آڑلہ گڈہ سے حیدرآباد واپس ہورہے تھے۔زخمیوں کو علاج کے لئے گدوال کے سرکاری اسپتال منتقل کردیاگیا۔

حادثہ کی شدت کی وجہ سے کار کومکمل طورپرنقصان پہنچا۔پولیس نے اس سلسلہ میں ایک معاملہ درج کرکے جانچ شروع کردی۔