ترکی اور شام میں زلزلے سے تباہی، انسانیت کیلئے صدمہ: کے ٹی آر

حیدرآباد: تلنگانہ کے وزیر انفارمیشن ٹکنالوجی کے تارک راما راو نے کہا ہے کہ ترکی اور شام میں زلزلے کے تباہی کے مناظردیکھ کر وہ سکتہ میں آگئے ہیں۔یہ انسانیت کے لئے بڑاصدمہ ہے۔

سوشیل میڈیا کے اہم پلیٹ فارم ٹوئیٹر پر سرگرم تارک راما راو نے اس خصوص میں کئے گئے ٹوئیٹ میں دعا کی کہ خداترکی اور شام کے عوام کو مزید طاقت دے۔انہوں نے مہلوکین کے غمزدہ ارکان خاندان سے گہری تعزیت کا بھی اظہار کیا۔تارک راما راو نے ہیش ٹیگ ترکی ارتھ کوئیک لگایا۔