ای ڈی کے عہدیداروں کی پرانا شہرحیدرآباد میں تلاشی

حیدرآباد: انفورسمنٹ ڈائرکٹوریٹ(ای ڈی) کے عہدیداروں نے پرانا شہرحیدرآباد کے مختلف مقامات پر تلاشیاں لیں۔

بتایاجاتا ہے کہ یہ تلاشی کروڑوں روپے کے بھودان یگنہ بورڈ کی اراضی اسکینڈل کے سلسلہ میں لی گئی ہیں۔

ای ڈی کی ٹیموں نے صبح کی ابتدائی ساعتوں میں اہم اراضی ڈیلرس کے گھروں پر چھاپے مارے۔ ایجنسی کے حکام کے ساتھ سی آرپی ایف کے عہدیدار بھی تھے۔

یہ تلاشی یاقوت پورہ، سنتوش نگر اورپرانا شہر کے بعض حصوں میں لی گئی۔

یہ اسکینڈل رنگا ریڈی ضلع کے ناگرم گاؤں میں 103 ایکڑ اراضی سے متعلق ہے۔ بتایاجاتا ہے کہ کئی عہدیداروں نے مبینہ طور پر یہ اراضی خریدی تھی۔