ترنمول رکن اسمبلی مدن مترا کے ٹھکانوں پر ای ڈی کے چھاپے

نئی دہلی: انفورسمنٹ ڈائریکٹوریٹ (ای ڈی) میونسپل بھرتی گھوٹالے کے سلسلے میں ترنمول کانگریس کے رکن اسمبلی اور سابق وزیر مدن مترا سے وابستہ سات مقامات پر تلاشی لے رہا ہے۔

ذرائع کے مطابق، جانچ میں پتہ چلا ہے کہ مسٹر مترا نے مبینہ طور پر بیچولیوں کے ذریعہ نقد اور سونے کی شکل میں رشوت لی تھی۔ یہ رشوت کامرہاٹی میونسپلٹی سمیت کئی میونسپل کارپوریشن کے عہدوں پر نااہل امیدواروں کی تقرری کرانے کے لیے لی گئی تھی۔

ای ڈی نے مسٹر مترا کا تعلق ایسی 125 سے زیادہ مبینہ غیر قانونی تقرریوں سے جوڑا ہے۔