قانون ساز اسمبلی کے اسپیکر کا انتخاب، نامزدگیوں کی وصولی

حیدرآباد: تلنگانہ قانون ساز اسمبلی کے اسپیکر کا انتخاب 14 دسمبر کو 10:30 بجے دن ہوگا۔ اسپیکر کے الیکشن کے سلسلہ میں چہارشنبہ کے روز 10:30 بجے دن سے 5:30 بجے شام کے درمیان پرچہ نامزدگیاں وصول کی جائیں گی۔

ریاستی گورنر ڈاکٹر تمیلی سائی سوندراراجن نے اسپیکر کے انتخاب کے لئے جمعرات 14 دسمبر کی تاریخ مقرر کی ہے۔ نامزدگیاں سکریٹری مقننہ کو شخصی‘ تجویز کنندہ یا نامزد امیدوار حوالہ کرسکتا ہے۔

کوئی بھی رکن‘ اپنا نام تجویز نہیں کرسکتا یا کوئی بھی ایک سے زائد نام تجویز نہیں کرسکتا۔ پرچہ نامزدگی پر نامزد امیدوار کا نام رہے گا اور تجویز کنندہ کی دستخط بھی رہے گی۔

اسپیکر کا انتخاب‘ ایوان میں ہوگا۔ اگر واحد امیدوار انتخابی دوڑ میں شامل ہونے پر ان کا بہ اتفاق آراء اسپیکر کا انتخاب عمل میں آئے گا۔