بھدرادری کوتہ گوڑم میں انکاؤنٹر، 2 نیکسلائٹس ہلاک

حیدرآباد: تلنگانہ کے بھدرادری کوتہ گوڑم ضلع میں پولیس اور نیکسلائٹس کے درمیان فائرنگ کا تبادلہ ہوا۔ اس انکاؤنٹر میں 2 نیکسلائٹس ہلاک ہوگئے۔ گرے ہاؤنڈس فورسس تلنگانہ۔ چھتیس گڑھ سرحد پر جنگلاتی علاقے میں تلاشی مہم انجام دے رہے تھے کہ ماؤنوازوں نے چرلا منڈل کے پٹپاڈوعلاقہ میں ان پر حملہ کیا۔ ماؤنوازوں نے گرے ہاؤنڈس ٹیم پر گولی چلا دی۔

جوابی فائرنگ میں دو ماؤنواز ہلاک ہوگئے۔ مہلوک ماونوازوں میں سے ایک ایل او اے کمانڈر راجیش اور دوسرا سی این ایم کمانڈر نندا ہے۔ پولیس نے مقام واقعہ سے اسلحہ کو ضبط کرلیا۔