شاہی عیدگاہ کامپلکس کے سروے پر روک میں توسیع

نئی دہلی: سپریم کورٹ نے چہارشنبہ کے دن الٰہ آباد ہائی کورٹ کے حکم پر اپنی روک میں توسیع کردی۔ الٰہ آباد ہائی کورٹ نے متھرا کے شاہی عیدگاہ کامپلکس کے سروے کی اجازت دی تھی۔

یہ کامپلکس کرشن جنم بھومی مندر سے متصل ہے۔ یہ مندر ہندوؤں کے لئے بڑی مذہبی اہمیت کا حامل ہے۔

چیف جسٹس سنجیو کھنہ‘ جسٹس سنجے کمار اور جسٹس کے وی وشواناتھن پر مشتمل بنچ نے کہا کہ وہ سروے کے خلاف شاہی عیدگاہ مسجد ٹرسٹ کی درخواست کی سماعت یکم اپریل سے شروع ہونے والے ہفتہ تک ملتوی کردے گی۔ آئی اے این ایس کے بموجب سپریم کورٹ نے کرشن جنم بھومی۔

شاہی عیدگاہ مسجد تنازعہ میں کئی درخواستوں کی سماعت ملتوی کردی۔ بنچ نے کہا کہ آگے کی سماعت یکم اپریل سے شروع ہونے والے ہفتہ میں ہوگی۔