تلنگانہ

عوام سے زائد سود کی وصولی، تلنگانہ کے ضلع جگتیال میں پولیس کے چھاپے

ایس پی نے کہا کہ ضلع پولیس نے ایسی بے قاعدگیوں میں ملوث افراد کے مکانات پر چھاپے مارے۔

حیدرآباد: تلنگانہ کے ضلع جگتیال کے ایس پی سن پریت سنگھ نے تلنگانہ منی لینڈنگ ایکٹ کی دفعات کی خلاف ورزی کرتے ہوئے سودی کاروبار کرنے اورعام آدمی سے زیادہ شرح سود وصول کرتے ہوئے ان کو پریشان کرنے والوں کو سخت کارروائی کا انتباہ دیا۔

متعلقہ خبریں
حیدرآباد دونوں ریاستوں کا مشترکہ دارالحکومت نہیں رہا
صدر ٹی پی سی سی کے عہدہ کیلئے کانگریس قائدین کی دوڑ دھوپ
تلنگانہ میں کانگریس کو 10 نشستیں ملیں گی، چیف منسٹر پرامید
1969 کی تحریک میں طلبہ پر کس نے گولی چلانے کی ہدایت دی؟ کے ٹی آر کا سوال
تلنگانہ:ایم ایل سی کی نشست کے ضمنی انتخاب کی مہم کااختتام

ایس پی نے کہا کہ ضلع پولیس نے ایسی بے قاعدگیوں میں ملوث افراد کے مکانات پر چھاپے مارے۔

جگتیال رورل، کورٹلہ، مٹ پلی، ابراہیم پٹنم، دھرما پوری، ملیال، رایکل اور گولاپلی میں غیر قانونی سودی کاروبار کرنے والوں کے خلاف یہ کارروائی کرتے ہوئے ان کے پاس سے تقریباً ایک کلو سونا،30 لاکھ 82 ہزار 20 روپے نقدرقم، 32 بانڈ پیپرس اور چیکس وغیرہ ضبط کئے گئے۔

ایس پی نے بتایا کہ 2 لاکھ 50 ہزار روپے کے رہن کے دستاویزات بھی ضبط کیے گئے۔

انہوں نے عوام سے خواہش کی کہ وہ غیر قانونی فینانس کا کاروبار چلانے والوں کی تفصیلات کی اطلاع پولیس کو دیں جس پر ایسے افراد کے خلاف کارروائی کی جائے گی۔

a3w
a3w