حیدرآباد میں نقلی پولیس ملازم گرفتار

حیدرآباد: تلنگانہ کی سائبرآباد ایس اوٹی پولیس نے ایک نقلی پولیس ملازم کو پکڑتے ہوئے اس کے پاس سے 10ہزارروپئے کی رقم، ایک موبائل اورایک بائیک ضبط کی۔

ملزم کی شناخت گڈی ملکاپور کے رہنے والے 30سالہ سری کانت تیجا کے طورپر کی گئی ہے جس نے مساج پارلر اور بیوٹی پارلر کے انتظامیہ کو دھمکی دی تھی اور ان سے جبری طورپر رقم کی وصولی کی تھی۔

حال ہی میں اس نے پولیس کا نقلی شناختی کارڈ دکھاتے ہوئے بیوٹی پارلر کے مالک سے 5000روپئے کی رقم وصول کی تھی۔متاثرین کے پولیس سے رجوع ہونے پر اس کے خلاف معاملہ درج کرلیاگیا۔