ایشیاء

عمران خان کی آرٹیکل 245 کے نفاذ کیخلاف درخواست دائر

عمران خان نے ایڈووکیٹ حامد خان کی وساطت سے سپریم کورٹ میں آئینی درخواست دائر کی جس میں وفاق، وزیراعظم شہبازشریف، نوازشریف، مریم نواز ، آصف زرداری،بلاول بھٹو اور مولانا فضل الرحمان سمیت دیگر کو فریق بنایا گیا ہے ۔

اسلام آباد: پاکستان تحریک انصاف پارٹی ( پی ٹی آئی) کے چیئرمین عمران خان نے سپریم کورٹ میں آرٹیکل 245 کے نفاذ کےخلاف درخواست دائر کردی۔

متعلقہ خبریں
عمران خان اور بشریٰ بی بی کو 4 اپریل کو عدالت میں پیش کرنے کا حکم
تلنگانہ ہائی کورٹ نے دانم ناگیندر کو نوٹس جاری کی
رات کی تاریکی میں ہمارا خط ِ اعتماد چُرالیا گیا : پاکستان تحریک انصاف کا شکوہ
صدر جمہوریہ کے خلاف حکومت ِ کیرالا کا سپریم کورٹ میں مقدمہ
خط اعتماد چرانے والوں پر غداری کا مقدمہ چلایا جائے: عمران خان

سابق وزیراعظم عمران خان نے ایڈووکیٹ حامد خان کی وساطت سے سپریم کورٹ میں آئینی درخواست دائر کی جس میں وفاق، وزیراعظم شہبازشریف، نوازشریف، مریم نواز ، آصف زرداری،بلاول بھٹو اور مولانا فضل الرحمان سمیت دیگر کو فریق بنایا گیا ہے ۔

درخواست میں مؤقف اختیار کیاگیا ہےکہ آرٹیکل 245 کے نفاذ کو کالعدم قرار دیا جائے اور تحریک انصاف کے کارکنان کی گرفتاریوں کو روکا جائے۔ درخواست میں آرمی ایکٹ اور آفیشل سیکرٹ ایکٹ کے تحت سویلین کا ٹرائل غیرآئینی قرار دیتے ہوئے ٹرائل کالعدم قرار دینے کی استدعا کی گئی ہے۔

درخواست میں مزیدکہا گیا ہےکہ نوازشریف اور مریم نواز نے پروپیگنڈا کیا کہ عمران خان اپنا آرمی چیف لانا چاہتے ہیں،یہ سارا ڈرامہ نوازشریف اور مریم نواز کا رچایا ہوا ہے۔

درخواست میں استدعا کی گئی ہےکہ عدالت تحریک انصاف کے رہنماؤں کی جبری علیحدگیوں کو غیرآئینی قراردے اور 9 مئی کے واقعات کی تحقیقات کیلئے جوڈیشل کمیشن تشکیل دے۔