اڈانکی-نرکیٹ پلی قومی شاہراہ پر المناک حادثے میں پانچ لوگوں کی موت

نلگنڈہ: تلنگانہ میں ضلع نلگنڈہ کے میریالا گوڈا میں اڈانکی-نرکیٹ پلی قومی شاہراہ پر اتوار کی آدھی رات کو المناک سڑک حادثہ پیش آیا جس میں کار ایک نامعلوم لاری سے ٹکرا گئی، جس کے نتیجے میں پانچ بشمول دو بچے اور ایک خاتون کی موت ہوگئی اور ایک شخص شدید زخمی ہو گیا۔

پولس کے مطابق مہلوکین کی شناخت مہیش (32) ، جیوتی (30) ، رشیتا (6) ، بھوما مہیندر (32) اور لیانشی (2) کے طور پر ہوئی ہے، جو کہ وجئے واڑہ اور دیگر مقامات کا درشن کرکے اپنے آبائی گاؤں نندی پاڈو واپس آرہے تھے۔

زخمی شخص کو میریالا گوڈا کے ایریا ہاسپٹل میں داخل کرایا گیا ہے اور اس کے بعد اسے مزید طبی علاج کے لیے پرائیویٹ اسپتال منتقل کیا گیا ہے۔

پولس نے کیس درج کر لیا ہے، اور لاری اور اس کے ڈرائیور کو پکڑنے کے لیے چھان بین کررہی ہے۔