تلنگانہ
فوڈ پوائزننگ سے ہاسٹل کی کئی طالبات کی طبیعت بگڑ گئی
اسپتال میں داخل کروائی گئی 150 طالبات میں سے 15 طالبات نے اچانک الٹیوں اور پیٹ درد کی شکایت کی جس کے بعد ہاسٹل عملہ نے فوری طور پر انہیں بہتر طبی امداد کے لئے ونپرتی ضلع اسپتال منتقل کیا۔
حیدرآباد: تلنگانہ کے ونپرتی ضلع کے کوتہ کوٹہ بی سی ہاسٹل میں جمعہ کی رات کھانا کھانے کے بعد فوڈ پوائزننگ کی وجہ سے کئی طالبات کی طبیعت بگڑ گئی۔
اسپتال میں داخل کروائی گئی 150 طالبات میں سے 15 طالبات نے اچانک الٹیوں اور پیٹ درد کی شکایت کی جس کے بعد ہاسٹل عملہ نے فوری طور پر انہیں بہتر طبی امداد کے لئے ونپرتی ضلع اسپتال منتقل کیا۔
اسپتال میں فوری علاج کے بعد طالبات کی حالت اب خطرے سے باہر بتائی جا رہی ہے۔ واقعہ کی اطلاع ملتے ہی عوامی نمائندوں کے ساتھ ساتھ ضلع کلکٹر آدرش سوربھی نے اسپتال پہنچ کر صورتحال کا جائزہ لیا اور متاثرہ طالبات سے ملاقات کی۔
ہفتہ کی صبح ڈاکٹروں نے طالبات کا دوبارہ معائنہ کیا جس کے بعد اب انہیں ایمبولینس کے ذریعے واپس ہاسٹل بھیجنے کے انتظامات کئے گئے۔
ہمیں فالو کریں
