ایران میں سابق افغان پولیس کمانڈر کا قتل: میڈیا

تہران: سابق افغان پولیس کمانڈر کو ایرانی دارالحکومت تہران میں مسلح حملے میں ہلاک کر دیا گیا۔ نیم سرکاری خبر رساں ایجنسی مہر نے یہ خبر دی ہے۔

مہر نے باخبر ذرائع اور ایران کی پولیس کے حوالے سے بتایا کہ مقتول کی شناخت اکرام الدین ساری کے طور پر ہوئی ہے، جو سابق افغان حکومت کے دور میں شمالی افغانستان کے صوبہ تخار میں پولیس کمانڈر رہ چکے تھے۔

انہیں ولی عصر اسٹریٹ پر اس وقت گولی مار کر ہلاک کیا گیا جو وہ اپنی ملازمت سے فارغ ہوکر اپنے گھر واپس جارہے تھے۔

خبر کے مطابق شدید زخمی حالت میں انہیں فوری طور پر اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گئے۔ واقعے کی تحقیقات جاری ہیں۔