مشرق وسطیٰ

لبنان پر اسرائیلی حملے میں چار جنگجومارے گئے

لبنان کے سرحدی علاقے کے ایک گاؤں پر اسرائیلی فضائی حملوں میں حزب اللہ کے چار جنگجو ہلاک اور تین دیگر زخمی ہو گئے۔

بیروت: لبنان کے سرحدی علاقے کے ایک گاؤں پر اسرائیلی فضائی حملوں میں حزب اللہ کے چار جنگجو ہلاک اور تین دیگر زخمی ہو گئے۔

متعلقہ خبریں
اسماعیل ہنیہ کی معاہدے سے متعلق شراط
حماس کا سرکردہ رہنما غازی حماد لبنان سے قطر منتقل
غزہ میں پہلا روزہ، اسرائیل نے فلسطینیوں کو مسجد اقصیٰ میں داخل ہونے سے روک دیا
اسرائیل، دل آزار گانوں کے مقابلے کے اندراجات پر نظرِ ثانی کرے گا
سعودی عرب کا اسرائیل کے خلاف اہم بیان

لبنان کے فوجی ذرائع نے یہ اطلاع دی ہے۔

ذرائع کا کہنا ہے کہ جنوبی لبنان کے ضلع بنت جبیل کے گاؤں رامية پر اسرائیلی حملوں میں متعدد ہلاکتیں ہوئیں۔

فوجی ذرائع کے مطابق اسرائیل نے رامیہ پر چار اور عيتا الشعب اور جبل بلات دیہات پر تین فضائی حملے کیے جس سے پانچ مکانات تباہ اور 15 دیگر کو نقصان پہنچا۔

دریں اثنا، اسرائیل نے جنوبی لبنان کے نو قصبوں اور گاؤوں پر تقریباً 40 گولے داغے۔حزب اللہ نے کہا کہ اس کے جنگجوؤں نے جنوب مغربی لبنان میں ایک اسرائیلی ڈرون کو مار گرایا۔

لبنانی سکیورٹی ذرائع کے مطابق حزب اللہ اور اسرائیل کے درمیان جھڑپوں میں 329 لبنانی ہلاک ہو چکے ہیں جن میں حزب اللہ کے 223 ارکان اور 61 عام شہری شامل ہیں۔