تلنگانہ کے ضلع جگتیال میں تین ایکڑ پر پھیلی گنے کی فصل کو آگ لگ گئی

حیدرآباد: تلنگانہ کے ضلع جگتیال میں تین ایکڑ پر پھیلی گنے کی فصل کو آگ لگ گئی۔یہ واقعہ ضلع کے ستکاپلی علاقہ میں پیش آیا۔

ذرائع کے مطابق یہ فصل،وٹھل نامی کسان کی تھی۔شبہ کیاجارہا ہے کہ نامعلوم افراد نے اس فصل کوآگ لگادی۔یہ واقعہ کل شب پیش آیا۔

وٹھل نے اس خصوص میں پولیس سے شکایت کی۔پولیس نے اس شکایت کی بنیاد پر ایک معاملہ درج کرلیا۔

فائربریگیڈ کو اس واقعہ کی اطلاع دی گئی جس نے وہاں پہنچ کر آگ پر قابو پایا۔