سموسہ کھانے کے دوران مینڈک کی ٹانگ نکل آئی (ویڈیو وائرل)

لکھنؤ: غازی آباد میں ایک مقامی شخص اس وقت حیران رہ گیا جب اس نے بیکانیر سویٹس آؤٹ لیٹ سے خریدے گئے سموسے میں مینڈک کی ٹانگ دیکھی۔

 یہ واقعہ اس وقت پیش آیا جب وہ سموسہ کھا رہا تھا اور اچانک اسے ایک غیر متوقع جھٹکا لگا۔ مینڈک کی ٹانگ سموسے کے اندر دیکھ کر وہ شخص خوفزدہ اور غصے میں دکان پہنچا اور وہاں موجود لوگوں سے شکایت کی۔

موقع پر موجود لوگوں نے اس پورے واقعے کی ویڈیو ریکارڈ کرلی، جسے سوشل میڈیا پر پوسٹ کیا گیا اور یہ ویڈیو دیکھتے ہی دیکھتے تیزی سے وائرل ہو گئی۔ اس شخص نے پولیس میں شکایت درج کروائی، جس کے بعد تحقیقات تحقیقات کا آغاز کردیا گیا۔

یہ واقعہ کھانے پینے کی اشیاء میں حفظان صحت کے ناقص معیار اور باہر کے کھانوں میں ملاوٹ کے بڑھتے ہوئے خطرات کو اجاگر کرتا ہے، جو عوام کیلئے تشویش کا باعث بن رہا ہے۔