گنیش مورتیوں کا وسرجن، حیدرآباد میں کئی مقامات پر ٹریفک جام

حیدرآباد: شہرحیدرآباد میں گنیش مورتیوں کے بدھ کو بھی وسرجن کے سبب ٹریفک کی نقل وحرکت پراثرپڑاکیونکہ شہر کے کئی علاقوں میں ٹریفک جام کی صورتحال پیداہوگئی۔

گنیش مورتیوں کا وسرجن جس کا آغازمنگل کو ہواتھا، کا سلسلہ بدھ کو بھی جاری رہاجس کے سبب بشیر باغ سے کنگ کوٹھی، وائی ایم سی اے سکندرآباد سے بیگم پیٹ حیدرآباد پبلک اسکول، خیریت آباد سے رویندربھارتی ٹریفک متاثر ہوئی کیونکہ گنیش کی مورتیوں کو وسرجن کیلئے حسین ساگر لے جایاجارہاہے۔

پولیس نے اضافی فورسس کو بڑے پیمانہ پر تعینات کیا اورعوام کومشورہ دیا کہ وہ متبادل راستوں کاانتخاب کریں تاکہ اپنی منزل پہنچ سکیں۔