حیدرآباد

شہرحیدرآباد کے شمس آباد ایرپورٹ پر مسافر کے پاس سے سونا ضبط

حیدرآباد: شہرحیدرآباد کے شمس آباد ایرپورٹ پر کسٹم کے عہدیداروں نے مقعد میں چھپا کرلائے گئے سونے کو ایک مسافر کے پاس سے ضبط کرلیا۔

حیدرآباد: شہرحیدرآباد کے شمس آباد ایرپورٹ پر کسٹم کے عہدیداروں نے مقعد میں چھپا کرلائے گئے سونے کو ایک مسافر کے پاس سے ضبط کرلیا۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
شمس آباد میں اڈانی ڈیفنس ایرو اسپیس سنٹر کا افتتاح
حیدر آباد کو بھاگیہ نگر بنانے بی جے پی امیدوار مادھوی لتا کی مہم
رضا احمد خان کوجواہر لال نہرو یونیورسٹی کی جانب سے پی ایچ ڈی کی ڈگری
حیدرآباد کومشترکہ صدر مقام برقرار رکھنے کا مطالبہ،ہائی کورٹ میں عرضی

ایک اطلاع پر کارروائی کرتے ہوئے کسٹم کی ایرانٹلی جنس یونٹ کے عہدیداروں نے کل شب مسقط سے فلائٹ نمبر WY-231 کے ذریعہ حیدرآباد پہنچے اس مسافر کوپکڑا جس نے پیسٹ کی شکل میں اس سونے کو حیدرآبادلایاتھا۔

اس مسافر کا تعلق مدھیہ پردیش سے ہے۔ کسٹم کے عہدیداروں نے 42,78,768 روپئے مالیت کے اس 685.7 گرام سونے کو ضبط کیا۔

اس مسافر کو حراست میں لیتے ہوئے اس سے پوچھ گچھ کی جارہی ہے تاکہ یہ پتہ چلایاجاسکے کہ اس نے کس کی ایماپر اس زرد دھات کو حیدرآباد منتقل کیا۔

واضح رہے کہ حالیہ دنوں کے دوران جنوبی ہند کے اس اہم ایرپورٹ پر سونے کی اسمگلنگ کے واقعات کو کسٹم کے عہدیداروں کی چوکسی کی وجہ سے ناکام بناتے ہوئے بڑے پیمانہ پرسونے کو ضبط کیاگیا ہے جو مختلف اشیا میں چھپاکرلایاجارہا تھا۔