کرنول میں مشتبہ حالت میں 3مخنث مردہ پائے گئے

کرنوول(اے پی): کرنول ٹاؤن میں اتوار کو تین مخنث (خواجہ سرا) مشتبہ طور پر مردہ پائے گئے۔ مقامی افراد نے ٹاؤن کے قریب جارجہا پورم کی ایک جھیل میں دو لاشوں کو پایا اور اس کی اطلاع پولیس کو دی۔ بعدازاں پولیس نے جھیل کے کٹہ پر ایک اور لاش کو پایا۔ تینوں کے جسموں پر زخم کے کوئی نشانات نہیں تھے۔

لاشوں کو پوسٹ مارٹم کیلئے کرنول کے سرکاری دواحانہ منتقل کردیا گیا۔مہلوکین کی شناخت اور ان کی موت کا سبب معلوم نہیں ہوسکا۔ پولیس نے کیس درج کرتے ہوئے تحقیقات کا آغاز کردیا۔