شمال مشرق
ہلدوانی تشدد‘ مرکزی فورسس کی 4کمپنیاں طلب
مرکزی نیم فوجی فورسس کی 4کمپنیاں (ہرکمپنی میں تقریباً100جوان ہوتے ہیں) وزارتِ داخلہ سے مانگی گئی ہیں تاکہ بن بھول پورہ میں نظم وضبط برقراررکھاجاسکے۔ بندبھول پورہ علاقہ میں کرفیوجاری ہے۔
ہلدوانی(اتراکھنڈ): حکومت اتراکھنڈ نے ہلدوانی میں تعیناتی کے لئے مزید مرکزی فورسس طلب کی ہیں جہاں 8 فروری کو ایک ”غیرقانونی“ مدرسہ کے انہدام پرتشدد پھوٹ پڑاتھا۔ عہدیداروں نے یہ بات بتائی۔
انہوں نے کہا کہ مرکزی نیم فوجی فورسس کی 4کمپنیاں (ہرکمپنی میں تقریباً100جوان ہوتے ہیں) وزارتِ داخلہ سے مانگی گئی ہیں تاکہ بن بھول پورہ میں نظم وضبط برقراررکھاجاسکے۔ بندبھول پورہ علاقہ میں کرفیوجاری ہے۔
ٹاؤن میں پہلے سے 1100 کے آس پاس سیکیوریٹی جوان تعینات ہیں۔ بن بھول پورہ میں دکانیں ابھی بھی بند ہیں اور سڑکیں سنسان ہیں۔ انٹرنیٹ سرویس بھی معطل ہے تاکہ افواہیں نہ پھیلیں۔ جمعرات کے تشدد میں 6افراد جاں بحق اور60 دیگر زخمی ہوئے۔
ہمیں فالو کریں
