تاریخ 30 سال بعد اپنے آپ کو دہرارہی ہے: کے ٹی آر

حیدرآباد: تلنگانہ کے وزیر انفارمیشن ٹکنالوجی کے تارک راما راو نے کہا ہے کہ انہوں نے ”1992اے اسکام“فلم دیکھی جس میں دو گجراتی بھائیوں نے پورے ملک کو دھوکہ دیا تھا۔

30سال بعد ہندوستان میں کیاتبدیلی ہوئی؟تاریخ اپنے آپ کو دہرارہی ہے۔سوشیل میڈیا کے اہم پلیٹ فارم ٹوئیٹر پرسرگرم تارک راماراو نے گجراتی ہرشد مہتا کے اس بڑے اسکام پر تیار کردہ اس فلم کا حوالہ دیا۔

اپنے اس ٹوئیٹ کے ذریعہ ساتھ ہی انہوں نے بالواسطہ طورپر امریکی فرم ہیڈنگ برگ کی رپورٹ کا بھی تذکرہ کیا۔سرکردہ تاجر اڈانی گروپ کے خلاف امریکہ کی سرکردہ اس فرم نے رپورٹ جاری کرتے ہوئے کئی سوال کئے تھے۔یہ رپورٹ سیاسی حلقوں میں بھی بحث کاموضوع بنی ہوئی ہے۔