ٹرک کی بائیک کوٹکر۔ہوم گارڈ ہلاک

حیدرآباد: شہرحیدرآباد کے میاپور میں رات دیر گئے ایک تیز رفتار ٹرک نے موٹر سائیکل کو ٹکر دے دی جس پر سفر کر نے والا ہوم گارڈ ہلاک ہوگیا اور ایک کانسٹیبل زخمی ہوگیا۔

اطلاعات کے مطابق، ٹریفک ہوم گارڈ سمہاچلم اور کانسٹیبل راجاوردھن، جو نائٹ ڈیوٹی پر تھے، میاپور میٹرو پلر نمبر 600 کے قریب یو ٹرن لے رہے تھے کہ اچانک ایک تیز رفتار لاری نے انہیں ٹکردے دی۔

اس حادثہ میں سمہاچلم موقع پر ہی ہلاک ہوگیا جبکہ کانسٹیبل راجاوردھن شدید زخمی ہو گیا جس کو فوری طور پر قریبی اسپتال منتقل کیا گیا۔