سوشیل میڈیا
سوشل میڈیا پر ریلز بنانے سے شوہر کا انکار، بیوی نے پھانسی لگاکرخودکشی کرلی
گزشتہ روز بھی ریلز اپ لوڈ کرنے پر میاں بیوی میں جھگڑا ہوا تھا۔ شوہر نے غصہ میں آکر بیوی سے موبائل فون چھین لیا تھا جس پر دونوں کے درمیان بات چیت بند تھی اور رچنا نے گلے میں پھندا لگا کر خودکشی کرلی۔
رائے پور: سوشل میڈیا پر ریلز بنانے کی شوقین بیوی نے شوہر کی روک ٹوک اور موبائل چھیننے پر خودکشی کرلی۔ میڈیا کے مطابق چھتیس گڑھ میں 5 سالہ بیٹی کی ماں رچنا ساہو نے چھت سے پھانسی لگا کر پھانسی لے لی۔
پولیس کا کہنا ہے کہ رچنا ساہو اپنی ویڈیوز سوشل میڈیا پر اپ لوڈ کرتی تھی جس پر اس کے شوہر سے آئے دن جھگڑے ہوتے رہتے تھے اور گزشتہ روز بھی ریلز اپ لوڈ کرنے پر میاں بیوی میں جھگڑا ہوا تھا۔
شوہر نے غصہ میں آکر بیوی سے موبائل فون چھین لیا تھا جس پر دونوں کے درمیان بات چیت بند تھی اور رچنا نے گلے میں پھندا لگا کر خودکشی کرلی۔ پولیس نے پوسٹ مارٹم کیلئے لاش اسپتال منتقل کردی جب کہ شوہر کو پوچھ تاچھ کے لیے پولیس اسٹیشن لے گئی تاہم بعد ازاں اسے چھوڑ دیا گیا۔
a3w
ہمیں فالو کریں
