حیدرآباد:بائیک سے 18لاکھ روپئے کی رقم ضبط

حیدرآباد: پرانا شہرحیدرآبادکے علاقہ پُرانا پل چوراہا پرپولیس کی جانب سے گاڑیوں کی تلاشی کے دوران ایک شخص کے پاس سے 18لاکھ روپئے نقد رقم ضبط کی گئی۔

یہ شخص بائیک کے ذریعہ یہ بھاری رقم منتقل کررہا تھا۔پولیس نے اس کی مشتبہ حرکتوں پر اس کو روکا اور جب اس کی بائیک کی تلاشی لی تو اس بھاری رقم کا پتہ چلا۔

پولیس نے جب اس سے اس بھاری رقم کے بارے میں سوال کیا تووہ مناسب جواب نہیں دے سکا جس کے بعد پولیس نے اس رقم کو ضبط کرلیا۔

پولیس نے اس مہم کے دوران نامناسب دستاویزات پر 80بائیکس، 10آٹوز اورایک کار کو بھی ضبط کرلیا۔پولیس نے گاڑیوں سے شراب کی بوتلیں بھی ضبط کیں۔