حیدرآباد:کارڈ بورڈ فیکٹری میں بڑے پیمانہ پر آگ لگ گئی

حیدرآباد: شہرحیدرآباد کے ایل بی نگر پولیس اسٹیشن حدود میں کارڈ بورڈ فیکٹری میں بڑے پیمانہ پر آگ لگ گئی۔

آگ کے شعلوں کے ساتھ کثیف دھواں بھی نظرآیا۔

اس واقعہ کے ساتھ ہی متصل علاقوں میں دھواں پھیلنے لگاجس کے نتیجہ میں مقامی افراد خوفزہ ہوگئے۔

اطلاع ملتے ہی چار فائرانجنوں نے وہاں پہنچ کر کافی جدوجہد کے بعد آگ پر قابو پایا۔

اس واقعہ میں کسی کی موت یا پھر کسی کے جھلسنے کی کوئی اطلاع نہیں ملی البتہ بڑے پیمانہ پر مالی نقصان ضرور ہوا ہے۔

اس واقعہ کی وجوہات معلوم نہ ہوسکیں۔