حیدرآباد: حالت نشہ میں گاڑیاں چلانے والوں کیخلاف مہم۔لڑکی کی پولیس سے بحث وتکرار

حیدرآباد: حیدرآباد کے جوبلی ہلز بس اسٹیشن کے قریب حالت نشہ میں گاڑیاں چلانے والوں کے خلاف ٹریفک پولیس کی جاری مہم کے دوران ایک لڑکی نے سڑک پر ہنگامہ آرائی کی۔

یہ لڑکی حالت نشہ میں تھی۔پولیس نے بتایا کہ اس مہم کے دوران کار روکے جانے پر اس نے پولیس سے بحث وتکرار کی۔

بعد ازاں پولیس کی جانب سے روکے جانے کے باوجود یہ خاتون کار لے کر چلی گئی تاہم پولیس نے اس کا فلمی انداز میں تعاقب کرتے ہوئے بوئن پلی کے قریب اس کی کار کو رکوانے میں کامیابی حاصل کرلی۔

پولیس نے بعد ازاں جب اس کا بریتھ انالائز کے ذریعہ معائنہ کیاتو پتہ چلا کہ یہ لڑکی حالت نشہ میں ہے اور حالت نشہ میں کار چلارہی ہے۔

بعد ازاں یہ لڑکی کار سے اتری اور اس نے ٹریفک پولیس سے بحث وتکرار کی۔اس لڑکی کی شناخت ایونٹ آرگنائزر کے طورپر کی گئی ہے۔ذرائع کے مطابق اس نے حالت نشہ میں کار چلاتے ہوئے ٹریفک پولیس کو ٹکر دے دی۔